“Çelsi”nin keçmiş yarımmüdafiəçisi və hazırda “Koventri Siti”nin baş məşqçisi olan Frenk Lempard Joze Mourinyonun London komandasına rəhbərlik etdiyi ilk günlərlə bağlı xatirələrini bölüşüb.
Sportinfo.az “The Telegraph”-a istinadən xəbər verir ki, o, Mourinyo haqda bunları deyib:
“Mövsümün əvvəlindən, ilk günündən Mourinyonun komandaya inamını xatırlayıram. O, bizimlə görüş keçirdi və bizə çempion olmaq üçün nə etməli olduğumuzu söylədi.
Biz bir il əvvəl ikinci yeri tutmuşduq, ona görə də ondan bir milyon kilometr uzaqda deyildik. Lakin o, otağa daxil olub, necə çempion olacağımızı açıqladı ki, bu da ilk oyun günündə aşkar idi.
Sonra görüşlər keçirir, oyun blokları haqqında danışır və nəticələri ən xırda təfərrüatlarına qədər proqnozlaşdırırdı. Biz adətən onun sözlərinə əməl edərdik.
Bütün bunlar bizim üçün yeni idi. Mən heç vaxt elə məşqçi ilə rastlaşmamışam ki, o qədər inamla gəlib, sırf dediyi kimi bizi proqnozlaşdırsın.
Ancaq bu, tamamilə işlədi, çünki bu, bizə onun ümidlərini doğrultmaq üçün məsuliyyət verdi. Yəqin ki, onun bizimlə oynadığı intellektual oyunların gözəlliyi bu idi”.
Portuqaliyalı mütəxəssis 2004-2007 və 2013-2015-ci illərdə “Çelsi”yə rəhbərlik edib. O, hazırda “Fənərbaxça”nın baş məşqçisidir.
