Leverkuzen “Bayer”inin müdafiəçisi Piero İnkapie karyerasını İngiltərə Premyer Liqasında davam etdirə bilər.
Sportinfo.az “Diario Sport”-a istinadən xəbər verir ki, “Mançester Yunayted” ekvadorlu futbolçunun xidmətində maraqlıdır.
“Bayer”in 23 yaşlı oyunçunun satışından təxminən 50 milyon avro qazanmaq istədiyi bildirilir. O, bu mövsüm bütün turnirlərdə 38 oyun keçirib, 3 qol vurub və 2 məhsuldar ötürmə edib.
Onun leverkuzenlilərlə hazırkı müqaviləsinin müddəti 2029-cu ilin iyun ayının sonuna kimidir.
