“Liverpul”un baş məşqçisi Arne Slot komandasının Liqa kubokunun finalında “Nyukasl”a məğlubiyyətindən (1:2) danışıb.
Sportinfo.az “Liverpool Echo”-ya istinadən xəbər verir ki, niderlandlı çalışdırıcı ilk dəfə bir oyunda məğlub olmağa layiq olduqlarını söyləyib:
“İlk dəfə idi ki, bir oyunda məğlub olmağa layiq idik. Finalda xoşuma gələn az şey var idi.
Bütün oyunçular mühüm beynəlxalq matçlarda çıxış ediblər. Mənim kimi onlar da ilk kubokumuzu qazana bilmədiyimiz və UEFA Çempionlar Liqasındakı çıxışımızı bitirdiyimiz üçün məyus olublar. Finalda çox yüklənmişdik. Bunu bəyənmirəm”.
“Liverpul” İngiltərə çempionatının növbəti turunda doğma meydanda “Everton”la qarşılaşacaq. Slotun yetirmələri hazırda Premyer Liqanın turnir cədvəlinə başçılıq edir.
