“Arsenal”ın baş məşqçisi Mikel Arteta komandanın vingeri Bukayo Sakanın dekabrın sonunda aldığı zədədən sonra bərpası haqda danışıb.
Sportinfo.az London klubunun rəsmi saytına istinadən xəbər verir ki, ispaniyalı çalışdırıcı, Sakanın oynamağa hazır olduğunu bildirib:
“Saka oynamağa hazırdır. O, geri qayıtmaq üçün etməsi lazım olan hər şeyi etdi.
Ona görə də indi onun düzgün anda meydana çıxması lazımdır. Amma o, bizə təzyiq edir, çünki həqiqətən oynamaq istəyir.
Biz son tarixlərə qədər gözlədik, əlimizdən gələni etdik və hətta onu geridə qoymalı olduq. Ona görə də o, tam hazırdır.
Saka bizim daha bir güclü “silahımız”dır. Onun bizim komandaya verdiyi böyük töhfənin və faydanın nə olduğunu bilirik”.
Saka bu mövsüm bütün turnirlərdə 24 oyun keçirib, 9 qol vurub və 13 məhsuldar ötürmə edib. Onun “Arsenal”la hazırkı müqaviləsinin müddəti 2027-ci ilin yayına qədərdir.
