“Mançester Yunayted”in baş məşqçisi Ruben Amorim gələcəkdə klubdan uzaqlaşdırılmaq ehtimalı ilə bağlı sualı cavablandırıb.
Sportinfo.az xarici KiV-ə istinadən xəbər verir ki, o, bunu deyib:
“Mən bunu başa düşürəm. Bu, məşqçi olanda etdiyin seçimdir, amma mən etdiyim işə həqiqətən inanıram.
Bilirəm ki, belə bir klubda həmişə bu cür təzyiq altında risk edirsən. Mən bunun tam fərqindəyəm”.
Portuqaliyalı mütəxəssis vəzifəsindən qovulan Erik ten Haqı əvəz edərək, noyabr ayında “sükan arxasına” keçib.
Komandanın nəticələri hələ də arzuolunan deyil, ona görə də, mətbuatda rəhbərliyin baş məşqçiyə güvənmədiyi barədə mütəmadi məlumatlar gedir.
