“Mançester Siti” yaxın vaxtlarda üç transferi həyata keçirməyə hazırlaşır.
Sportinfo.az xarici KİV-ə istinadən xəbər verir ki, “şəhərlilər” 20 yaşlı müdafiəçi Abdukodir Xusanov üçün “Lans”la anlaşıb.
Özbək futbolçu tezliklə tibbi müayinədən keçəcək.
Bundan əlavə, İngiltərənin hazırkı çempionu Frankfurt “Ayntraxt”ının hücumçusu Ömər Marmuşla bağlı danışıqlarda sürətlə irəliləməyə davam edir. Transferin taleyi tezliklə həll oluna bilər.
“Mançester Siti” həmçinin 18 yaşlı müdafiəçi Vitor Reisə görə “Palmeyras”la müzakirələr aparır və braziliyalı oyunçunun iyulda keçidinin tamamlanması gözlənilir.
