İngiltərə Premyer Liqasının 17-ci turunda “Mançester Siti” “Aston Villa”nın qonağı olub.
Sportinfo.az xəbər verir ki, “Villa Park” stadionunda keçirilən görüş “vətəndaşlar”ın 1:2 hesablı məğlubiyyəti ilə yekunlaşıb.
Qarşılaşmanın 16-cı dəqiqəsində “Aston Villa”nın heyətində Con Duran hesabı açıb. 65-ci dəqiqədə Morqan Rocers ev sahiblərini hesabda irəli çıxarıb.
“Mançester Siti”nin təsəlli qolunu isə 90+3-cü dəqiqədə Fil Foden vurub.
Bu qələbədən sonra “Aston Villa” (28 xal) beşinci pilləyə yüksəlib. Pep Qvardiolanın komandası (27) isə altıncı pilləyə geriləyib.
“Mançester Siti” Premyer Liqada son səkkiz oyundan cəmi birində qalib gəlib, qalan yeddisində isə məğlub olub.
Premyer Liqa turnir cədvəlinin lideri isə 36 xalla Arne Slotun “Liverpul”udur.
"Aston Villa" - "Mançester Siti" 2:1
Qollar: Con Duran, 16, Morqan Rocers, 65 - Fil Foden, 90+3
