“Çelsi”nin baş məşqçisi Enzo Mareska Tomas Frankın “Brentford”dakı uğurlarından danışıb.
Sportinfo.az xarici KİV-ə istinadən xəbər verir ki, italiyalı çalışdırıcı Frankı şəxsən tanımadığını bildirib:
“Frankı şəxsən tanımıram, amma uzun illərdir ki, onun komandasını izləyirəm. O, əla və fantastik bir iş görür.
Onların qol vurma tərzi, oyun sistemi, üslublarının nə qədər fərqli ola biləcəyi, sadəcə fantastikdir”.
“Çelsi” bazar günü “Brentford”u qəbul edəcək.
Mareskanın komandası 15 turdan sonra 31 xalla Premyer Liqanın turnir cədvəlində 2-ci, “Brentford” isə 23 xalla 9-cu pillədə qərarlaşıb.
