“Liverpul”un hücumçusu Məhəmməd Salah komandanın azarkeşlərinə müraciət edib.
Sportinfo.az xəbər verir ki, misirli futbolçu sosial şəbəkə hesabında Mersisayd klubunun azarkeşlərinə müraciət edərək, sonda yalnız bir çempionun olacağını bildirib:
“Liverpul”un yeri Premyer Liqa cədvəlinin başındadır. Bizi daha az heç nə qane etmir.
Sonda yalnız bir çempion olacaq. Biz titul qazanmaq istəyirik.
Dəstəklərinə görə azarkeşlərə çox təşəkkür edirəm. Nə olursa olsun, “Enfild”də oynadığımı heç vaxt unutmayacam”.
Salahın İngiltərə klubu ilə hazırkı müqaviləsi 2025-ci ilin ortalarına qədərdir. O, bu mövsüm “qırmızılar”ın heyətində 15 oyun keçirib, 9 qol vurub və 7 məhsuldar ötürmə edib.
