“Plimut Arqayl”ın baş məşqçisi Ueyn Runi “Blekbern”lə oyunda qırmızı vərəqə alaraq texniki zonadan qovulub. O, İngiltərə Futbol Assosiasiyası tərəfindən nalayiq davranışda ittiham olunur.
Sportinfo.az ESPN-ə istinadən xəbər verir ki, 38 yaşlı mütəxəssis “Blekbern”in bərabərliyi təmin edən qolundan sonra (2:1) azarkeşlərə doğru butulka ataraq, meydandan qovulub
. İngiltərə Futbol Assosiasiyası bu haqda açıqlama yayıb:
“Baş məşqçinin 87-ci dəqiqədə davranışının yersiz olduğu və matçın rəsmisinə qarşı təhqiramiz ifadələr işlətdiyi bildirilib”.
Runi bu iddialara oktyabrın 15-dək cavab verməlidir.
Çempionşipdə mübarizə aparan “Plimut Arqayl” ardıcıl üç ev oyununda qalib gəlib və turnir cədvəlində 14-cü pillədə qərarlaşıb.
