AFFA daha bir klubu qeydiyyatdan keçirib.
«Balaxanı» FK ilk dəfə Region Liqasında mübarizə aparacaq.
Bakıətrafı qəsəbə təmsilçisi yarışın paytaxt zonasıda yer alacaq.
Çempionat böyük ehtimalla fevralın 2-də başlayacaq. Qarşıdakı sezonda 56 komandanın iştirakı nəzərdə tutulub.
Bu dəfə formatda müəyyən dəyişikliklərin edilməsi qərara alınıb.
Ümumilikdə 56 komandanın 4 - Paytaxt və Şimal, Şimal-Qərb və Qərb, Mərkəz, Cənub zonaları üzrə mübarizə aparması planlaşdırılıb.
Liqa iyun ayının sonunadək davam edəcək. Adətən, hər ilin oktyabr ayında start götürən marafonun indi belə gecikməsi müxtəlif amillərlə bağlıdır.
Qeydiyyatdan keçən komandaların əksəriyəti stadion problemi ilə üzləşib. Bu. əngəllərdən yalnız biridir.
Turnirə qatılmaq haqqı qazananların bir qismi hələ maliyyə tapa bilməyib. Bəziləri isə yerli icra strukturlarından zəmanət məktubu almaqda çətinliklə üzləşib.
SPORTİNFO.AZ
