"Atletiko"nun futbolçusu Joao Feliks yenidən İngiltərə Premyer Liqasında çıxış edə bilər.
Sportinfo.az xəbər verir ki, "Çelsi" portuqaliyalı hücumçunu transfer etmək istəyir.
Bu barədə "O Jogo" nəşri məlumat yayıb.
London klubu 24 yaşlı ön xətt oyunçusu üçün "Atletiko"ya 65 milyon avroluq rəsmi təklif göndərib.
"Atletiko" Joao Feliksi 2019-cu ilin yayında "Benfika"dan 127 milyon avroya transfer edib. Portuqaliya millisinin üzvü ötən mövsümü icarə əsasında "Barselona"da keçirib.
Feliks 2022/2023 mövsümünün ikinci yarısında "Çelsi"nin formasını geyinib. Onun Madrid təmsilçisi ilə müqaviləsinin müddəti 2029-cu ilin yayına kimi nəzərdə tutulub.
