Qadın həndbolçulardan ibarət “Qarabağ” komandası Avropa Kubokunda III mərhələyə yüksəlib.
Sportinfo.az xəbər verir ki, II mərhələnin cavab oyununda Lüksemburqun "Differdanj" kollektivi ilə qarşılaşan təmsilçimiz 26:25 hesabı ilə qalib gəlib.
İlk matçda da rəqibini 27:24 hesabı ilə üstələyən "Qarabağ" adını növbəti mərhələyə yazdırıb.
Qarşılıqlı razılığa əsasən, hər iki oyun Bakıda baş tutub. III mərhələnin görüşləri noyabrın 10-16-da keçiriləcək.
