"Qarabağ"ın Avropa Liqasının Liqa mərhələsindəki rəqiblərindən olan "Bodo Qlimt" Norveç çempionatında 27-ci tur oyununa çıxıb.
Sportinfo.az xəbər verir ki, komanda səfərdə "Molde" ilə qarşılaşıb. Matçda 6 qol vurulsa da, qalib müəyyənləşməyib - 3:3.
"Bodo Qlimt"in heyətində Ulrik Saltnes və Frederik Byorkan fərqlənib. "Bodo Qlimt"in hesabına yazılan 3-cü qolu isə "Molde"nin futbolçusu Kasper Oyvann öz qapısına vurub.
Hazırda turnir cədvəlində "Bodo Qlimt" 55 xalla liderdir. 48 xala malik "Molde" isə 4-cü yeri tutur.
Noyabrın 7-də "Aspmira" stadionunda keçiriləcək "Bodo Qlimt" - "Qarabağ" oyunu Bakı vaxtı ilə saat 21:45-də start götürəcək.
"Molde" - "Bodo Qlimt" 3:3
Qollar: Ola Brinhildsen, 16, 28, Emil Breyvik, 71 - Ulrik Saltnes, 37, Frederik Byorkan, 58, Kasper Oyvann, 64-avtoqol.
"Aker" stadionu.
.jpg)
