Fevralın 26-sı Azərbaycan kədər içində Xocalı soyqırımının 31-ci ildönümünü anarkən, ölkənin futbol ictimaiyyətini daha bir xəbər üzdü. “Məşqçi Qəhrəman Əliyev vəfat edib”.
Zatən Qəhrəman müəllim 2 il, 4 ay idi normal həyatdan uzaq düşmüşdü.
Bu dünya ilə yalnız cismani bağlıydı. Ona bağlanan süni tənəffüs aparatına həm də ailəsinn, doğmalarının ümidləri bağlanmışdı.
Bir möcüzə gözləyidi Tanrıdan Əliyevlər ailəsi. Komada olan 63 yaşl məşqçinin ölüm-dirim mucadiləsi nə az, nə çox - 28 ay sürdü...
Qəhrman Əliyev 1959-cu il aprelin 11-də Masallıda dünyaya gəlmişdi. 11 uşaqlı ailənin 3-cü övladı idi.
Futbolla 10 yaşından məğul olub. Peşəkar karyerasına 18 yaşında Bakının ”Avtomobilçi” komandasında başlayıb.
5 il burada oynadıqdan sonra 1981-ci ildə Azərbaycanın da daxil olduğu Sovetlər İttifaqının – mövcud qanunlarına əsasən, hərbi xidmət çəkmək üçün uzaq Xabarovska göndərilir və xidmətini bu şəhərin Ordu İdman Klubunda (SKA) oynamaqla yerinə yetirir.
1983-də əsgərlikdən qayıtdıqdan sonra o zaman Azərbaycanın 1 nömrəli komandası sayılan ”Neftçi”yə gəlir. 2 il burada əvəzedici heyətdə oynayır.
Ciddi rəqabət üzündən əsas komandaya düşə bilmir. Karyerasını 1985-86-cı illərdə Bakının ”Gənclik”, daha sonra Mingəçevirin ”Energetik” komandalarında davam etdirir.
Zədə üzündən oyunçu karyerasını tez bitirən Qəhrəman Əliyevi məşqçiliyi daha çox tanıdır.
Həm ölkənin, həm futbolun iqtisadi cəhətdən tənəzzül dövrünü yaşadığı 1992-ci ildə doğma rayonu Masallının ”Viləş” komandasının baş məşqçisi təyin olunur və 9 il bu vəzifədə çalışır.
Ümumiyyətlə, Qəhrəman Əliyev ”Viləş”in güclülər dəstəsində əbədi baş məşqçisi sayıla bilər. İstisna olaraq 1999\2000 mövsümündə Almaniyaya məşqçilik kursu oxumağa gedərkən,
Masallı klubunda 7 oyunluq Asəf Namazov baş məşqçi olub. 2001-ci ildə ”Viləş”ə tarixi ərzində Azərbaycan çempionatının yeganə mükafatını - bürünc medallarını qazandırıb.
Klubu 2000 və 2001-ci illərdə ardıcıl olaraq o zaman UEFA-nın keçid turnuri sayılan İntertoto Kubokuna çıxarıb. ”Viləş” hər iksində əəvəlcə ”Zaqlembe” (Polşa), növbəti il ”Qrindavik”ə (İslandiya) uduzaraq mübarizəni dayandırıb.
Qəhrəman Əliyev məşqçi kimi Azərbaycan çempionluğunu da qazanmağa yaxın olub. 2001-in yayında Ağaslim Mircavadovun istefasından sonra rəhmətlik Şahbaz Süleymanov onu ”Şəmkir”in baş məşqçi postuna gətirir.
2001-2002 mövsümünün sonuna az qalmış ”Şəmkir” əsas rəqibi ”Neftçi”ni qabaqlayaraq lider olsa da, apreldə klublar AFFA-ya qarşı üstyan qaldıraraq çempionatı boykot edirlər.
Çempionat yarımçıq qalır və ”Şəmkir”in alternativ yarışda liderliyi AFFA tərəfindən çempionluq kimi tanınmır. Onun ”Şəmkir”ə rəsmən qazandırdığı mükafat isə 2003\2004 mövsümündəki gümüş medallar oldu.
Həmin il Azərbaycan Kubokunun finalında isə komandası ”Neftçi”yə uduzdu (0:1). Qəhrəman Əliyevin Azərbaycanın futbol elitasında baş məşqçi kimi son iş yeri MOİK oldu.
16 may 2009-cu ildə MOİK - ”Standard” Siumqayıt qarşılaşması Qəhrəman Əliyevin Premyer Liqada baş əşqçi kimi son oyunu oldu. Bununla belə, uzun illəır Azərbaycan Premyer Liqasında ən çox oyun keçirən baş məşqçi kimi lider oldu.
”Viləş”, ”Şəmkir”, ”Masallı” və MOİK-də ümumilikdə 381 oyun, 167 qələbə. Yalnız 2019-cu ilin 25 noyabrılnda ”Qarabağ”ın baş məşqçisi Qurban Qurbanov bu rekorda çatdı.
Hazırda Qəhrəman Əliyev Premyer Liqada ən çox oyun keçirən baş məşqçilərin sıralamasında yalnız ondan geri qalır.
Qəhrəman Əliyev baş məşqçi kimi rekordçu olsa da, I Divizionda, əvəvzedici heytlərlə, hətta 19 yaşlılarla işləməyi belə, özünə qəbahət bilmirdi.
2005\06-cı illərdə ”Masallı”nı I Divizionda çempion edərək Premyer Liqaya çıxarmışdı.
2005-ci ildə ”Xəzər Lənkəran”ın 2-ci komandası ilə I Divizinoda gümüş medalları qazanmış, Hafiz Məmmədovun məşhur ”Bakı”sının əvəzedici heyətini 2012-ci ildə, U-19 komandasını isə 2014-cü ildə Azərbaycan çempionu etmişdi.
”Olimpik Şüvəlan”da Əsgər Abdullayevin köməkçisi də işləmişdi. Sonuncu iş yeri İsgəndər Cavadov adına Bakı Futbol Akademiyasında oldu - idman direktoru və koordinator vəzifəsində.
Harada işləsə də, həmişə sadəliyi, mehribanlığı ilə ön plana çıxırdı. Bacardığı köməyi əsirgəməzdi insanlardan. Həm səxavətini, həm şəfaətini göstərən insan olub Qəhrman Əliyev.
Onun keçmiş futbolçusu Vüqar Qurbanovu dinləyək: ”Məşqçi kimi tələbkar idi. Futbolçularla gözəl münasibəti olub. Premyer Liqadan sonra uşaq futbolunda işləməyi özünə ayıb biməyib.
Deyirdi, mənim vaxtım gələcək. Heyf ki, qismət olmadı. Zədəli futbolçulara özü kömək edirdi. Əlində şəfa vardı”.
10 aylıq kursda həkimlik də öyrənmişdi. ”100 il yaşayacam” deyirdi.
Qəhrəman Əlyev 2020-ci ilin noyabrında koronavirus diaqnozuyla özü öz ayağı ilə Masallı Şəhər Xəstəxanasına gəlir. Amma korona onun səhhətində ağırlaşmalara səbəb olduğundan, paytaxta - Zığda yerləşən modul tipli xəstəxanaya gətirilir.
Hər şey də elə burada baş verir. 62 yaşlı məşqçi beyin insultu keçrir və komaya düşür, süni tənəffüs aparatına qoşulıur. Əlyevlər ailəsi üçün olduqca ağır, ancaq hər saatı ümidlə dolu günləır başlayır.
Bəzi klinikalar yaxın durmasa da, ”Bakı Medical Plaza” komada olan pasiyenti qəbul edir və yaxınıarına onun 1 həftə-10 günə ayılacağına ümid verir.
Bunun üçün qardaşları 20 min manatdan artıq vəsaiti klinikanın hesabına köçürür. Amma Qəhərəman Əliyev nəiunki 10 gün, 10 aydan sonra da ayılmır.
Ödənilən vəsait də geri qaytarılmır. Süni tənəffüs aparıatına qoşulu vəziyyətdə yenidən Masallıya qaytarılır, əvvəl klinkada, sonra evində hər cür şərait yaradılaraq yatır.
Onun üçün növbətçi tibb bacısı, həkim də ayrılır. Amma ailəsinin, qardaşlarının bütün bu fədakarlıına baxmayaraq, Qəhrəman Əliyev 2 il 4 ay sürən komadan ayılmır.
Allah rəhmət eləsin!
İlkin Fikrətoğlu
