"IQ Sport Media və Marketinq Agentliyi" media layihəsi olan "Tura Baxış" verilişi artıq iki həftədir ki, “youtube” kanalı vasitəsilə yayımlanır.
Ölkə çempionatına həsr edilən bu layihədə futbol şərhçisi İsmayıl Abdullayev, veteran futbolçu Ruslan Əmircanov və aktyor Ələkbər Əliyevin iştirakı ilə futbolumuza fərqli baxaraq, ən yadda qalan epizodları və maraqlı hadisələri müzakirə edir, problemləri araşdırıb onların həlli yolları haqqında danışılır.
"Tura baxış"ın buraxılışlarını hər həftənin bazar ertəsi günü, axşam saatlarında "IQ Sport Agency"nin YouTube kanalından izləyə bilərsiz.
Budəfəki buraxılışda «Qarabağ»ın Çempionlar Liqasında çıxışından, həmçinin «Zirə» və «Sabah»ın Konfrans Liqasında göstərdiyi nəticələrdən söz açılıb.
Bununla yanaşı, Premyer Liqanın ikinci turu geniş müzakirə olunub. Verliş iştirakçıları əsasən «Neftçi»nin üzərində dayanıb.
İsmayıl Abdullayev bildirib ki, «Forza Neftçi»nin əyləşdiyi tribunaya butulka atan Ervin Koffi ilə müqaviləyə birtərəfli qaydada xitam verilməlidir.
SPORTİNFO.AZ
