"Arsenal" 2009-cu ildən bəri ilk dəfə Çempionlar Liqasının yarımfinalına yüksəldi.
London klubu turnirin 1/4 finalında son çempion "Real"ı mübarizədən kənarlaşdırdı.
Sportinfo.az xəbər verir ki, bu, təkcə klubu daim dəstəkləyən azarkeşləri deyil, ABŞ-dan olan bir məşhur aktrisanı da sevindirdi.
Söhbət Enn Heteueydən gedir.
Aprelin 1-də baş tutan London derbisində "topçular" "Fulhem"i məğlub etdi (2:1) və həlledici qolu ağır zədədən qayıdan Bukayo Saka vurdu.
Final fitindən sonra Enn "İnstagram"da "Arsenal" forması ilə şəklini paylaşıb: "Yenidən xoş gəlmisən#7!" deyə yazıb.
Çempionlar Liqasının 1/4 finalının ilk oyununda İngiltərə nəhəngi "Real"ı 3 cavabsız qolla məğlub etdikdən sonra eyni sosial şəbəkədə canlı yayım açıb və klubunun himnini oxuyub.
42 yaşlı Heteuey 2024-cü ildə "Arsenal" azarkeşi olduğunu etiraf edib.
O, kino sahəsində "Oskar" və "Qızıl qlobus" kimi mükafatların sahibidir. Lakin onun sevimli komandası hələ də Avropa futbolunun əsas kubokuna sahib deyil.
Enn bu məsələnin nəhayət cari mövsümdə həll olunacağına inanır.
.jpg)
.png)
