Almaniyanın "Bild" nəşri "Nürnberq"də çıxış edən Azərbaycan millisinin hücumçusu Mahir Emrelinin oyununu tənqid edib.
Sportinfo.az xəbər verir ki, 2-ci Bundesliqa təmsilçisinin 27-ci turda “Yan Reqensburq”a məğlubiyyəti (1:2) haqqındakı yazıda komandanın hücum xəttindəki problemlərdən bəhs edilib:
"Miroslav Kloze zədəli olan əsas hücumçusu Stefanos Tzimasın (Bu mövsüm 12 qol vurub-red.) yoxluğuna hazır deyil. O, Stefanonun tez sağalacağına ümid edir.
Kloze "Yan Reqensburq”la oyunda (1:2) etdiyi son dəyişiklikdən də (Mahir Emrelinin meydana daxil olması nəzərdə tutulur-red.) məyus oldu.
Mahirin meydana girməsi ən yaxşı halda heyətin tamamlanması oldu. O, son qolunu noyabr ayında vurub.
Bu, Emrelinin liqada 3-cü və indiyə qədər vurduğu sonuncu qoldur".
Mahir Emreli bu mövsüm 2-ci Bundesliqada 3, kubokda isə 1 qol vurub. O, bu qolları ardıcıl 4 matçda vursa da, daha sonra oyununda eniş yaranıb.
Bundan sonra isə hücumçu bir neçə görüşdə iştirak ərizəsində də yer almayıb.
