Cənubi Amerikada Libertadores Kubokunun qrup mərhələsinə start verilib.
Sportinfo.az xəbər verir ki, “Qarabağ”ın sabiq futbolçusu Juninyonun çıxış etdiyi Braziliya “Flamenqo”su Venesuelada “Deportivo Taçira” ilə üz-üzə gəlib.
Braziliyalılar bu görüşdə 1:0 hesablı qələbə qazanıb. 56-cı dəqiqədə meydana daxil olan 28 yaşlı forvard 1 dəqiqə sonra fərqlənib.
Juninyo həm də matçın ən yaxşı oyunçusu seçilib və xüsusi mükafata layiq görülüb.
