I Liqada qüvvəsini sınayan «Mingəçevir»də növbəti qalmaqallı hadisə baş verib.
Bu barədə saytımıza komandadan bildirilib.
Redaksiyamıza daxil olan məlumata görə, olay futbolçuların qaldığı oteldə yaşanıb. Nigeriyalı hücumçu Fanen Jozef Akyam gecə saatlarında mehmanxanaya içkili halda gəlib.
Şəhərdə yerləşən restoranlardan birində «ley-pey» olan afrikalı legioner otelə qayıdandan sonra aranı qatıb.
Ötən mövsüm «Qaradağ Lökbatan»ın formasını geyinmiş, cari mövsümün ilk hissəsini isə Moldovada keçirmiş forvard oradakı şəxslərlə mübahisə edib.
İşçilər xoşagəlməz hadisə barədə Füzuli Məmmədovu məlumatlandırıb. Fəqət, baş məşqçi Akyama güldən ağır söz söyləməyib.
SPORTİNFO.AZ
