Azərbaycan millisinin müdafiəçisi Zamiq Əliyev Belçikaya yollanmağa çox yaxın olub.
Sportinfo.az xəbər verir ki, sportal.az-a verilən məlumata görə, "Eqnatiya" Əliyevə görə Belçikanın "Eupen" klubundan rəsmi təklif alıb.
Tərəflər arasında razılıq əldə edilib. Millimizin üzvü bu kluba keçməyə yaxın olsa da, sonda sənəd məsələlərinə görə keçid baş tutmayıb.
Belə ki, məhz viza məsələsi Əliyevin Belçikaya gedişinin qarşısını alıb və ən azından yaya qədər bu transferi təxirə salıb.
"Transfer pəncərəsi"də bağlandığından keçid reallaşmayıb. 23 yaşlı futbolçu 2024-cü il iyulun 1-də “Eqnatiya”ya keçib və onun müqavilə müddəti 2027-ci il iyunun 30-na qədərdir.
.jpg)