Azərbaycan Premyer Liqasının XIX turunda keçirilən “Zirə” - “Araz-Naxçıvan” oyununda (1:0) dava düşüb.
Sportinfo.az xəbər verir ki, əvvəlcə meydanda futbol sahəsində başlayan mübahisə daha sonra kütləvi hal alıb.
Mübahisəyə komandanın ehtiyat oyunçular skamyasında əyləşən futbolçular, məşqçilər də qoşulub.
“Çox üzücüdür ki, iki komanda arasında belə şey baş verdi” - bunu “Zirə”nin baş məşqçisi Rəşad Sadıqov dava haqqında danışarkən deyib.
“Şükür, böyük insident olmadı, ola da bilməz. İki komanda arasında çox yaxşı münasibət var, rəhbərlik, məşqçilər və futbolçular arasında.
Arada nə oldu bilmirəm, Qara əsəbiləşdi.
Sarı vərəqəsi olduğu üçün müdaxilə etdim ki, sakitləşsin. Dedim ki, özünə də zərər verəcəksən.
Orada çox adam var idi, düz-əməlli danışa bilmədim. İstəməzdik ki, nəsə olsun.
İkinci hissədə daha böyük hadisələr olmalı idi, amma klublar arasındakı yaxşı münasibətə görə meydanda hər şey yaxşı oldu”.
Həmin görüntüləri təqdim edirik:
