Rusiyanın “Lukoil” neft şirkətinin qurucusu Vahid Ələkbərovun oğlu Yusif Ələkbərov “Spartak”ın Direktorlar Şurasını tərk etmək qərarına gəlib.
Sportinfo.az xəbər verir ki, bu barədə “RBC Sport” məlumat yayıb.
Bildirilir ki, bu qərar ABŞ Maliyyə Nazirliyi tərəfindən ona qarşı tətbiq edilən sanksiyalardan sonra klubu risk altına qoymamaq istəyi ilə bağlıdır.
ABŞ yanvarın 10-da Y.Ələkbərova qarşı yeni sanksiyalar tətbiq edib.
Neft şirkəti klubun sahibi və baş sponsorudur.
Y.Ələkbərov 2021-ci ildə Moskva klubunun Direktorlar Şurasına daxil olub. Onun buradakı fəaliyyəti haqqında açıq mənbələrdə az məlumat var.
ABŞ Maliyyə Nazirliyinin məlumatında o, “WellTech” neft xidməti şirkətinin (o da sanksiyalara məruz qalıb) qurucusu və sahibi kimi göstərilib.
Y.Ələkbərov 10-dan çox şirkətin həmsahibidir və 2021-ci ildə “Lukoil”un səhmlərinin 0.2%-nə malik olub.
