Rumıniya çempionatında 22-ci turun oyunları keçirilir.
Sportinfo.az xəbər verir ki, Avropa Liqasında “Qarabağ”ın rəqiblərindən olan FCSB səfərdə “FC Hermannştadt”la üz-üzə gəlib. Matç heç-heçə yekunlaşıb.
13-cü dəqiqədə qapısında qol görən FCSB yalnız sona 4 dəqiqə qalmış Valentin Kretunun vurduğu qolla məğlubiyyətdən qaçıb - 1:1.
Bu heç-heçədən sonra xallarının sayını 38-ə çatdıran FCSB turnir cədvəlində liderliyə yüksəlib. Lakin komandanın ən yaxın izləyiciləri - “Universitatya Kluj” (37 xal) və “Dinamo Buxarest” (36 xal) bir oyun az keçiriblər.
FCSB "Qarabağ"la Avropa Liqasının Liqa mərhələsinin 7-ci turunda, yanvarın 23-də Bakıda qarşılaşacaq.
