Perulu futbolçu Xose Uqo De la Krus Mesa oyun zamanı ildırım vurması nəticəsində ölüb.
Sportinfo.az xəbər verir ki, hadisə Perunun Uankayo şəhərində “Xuventud Bellavista” və “Familia Çokka” arasında keçirilən qarşılaşmanın 23-cü dəqiqəsində baş verib.
Oyun zamanı güclü yağış başlayıb və hər iki kollektiv meydanı tərk etməyə çalışıb.
Bu zaman ildırım 35 yaşlı müdafiəçi də daxil olmaqla, bir neçə futbolçunu vurub. Digərləri xəstəxanaya çatdırılsa da, Xose Uqo De la Krus Mesa meydanda vəfat edib.
Həmin vaxt müdafiəçinin yanında olan qapıçı və digər futbolçular ciddi yanıq xəsarəti alıblar.
Sözügedən görüntüləri təqdim edirik:
.jpg)
