![Kadi debüt etdi, sabiq “Qarabağ”lı “Vest Hem”ə qol vurdu](https://www.sportinfo.az/media/2024/07/16/201163_zpv8thn1wa.jpg)
“Ferentsvaroş” yoxlama oyununda “Vest Hem”lə üz-üzə gəlib.
Sportinfo.az xəbər verir ki, Macarıstan təmsilçisi ilk hissədən sonra hesabda öndə olsa da, yekunda qələbəni əldən verib - 2:2.
Matçda hesabı “Qarabağ”ın sabiq hücumçusu Kvabena Ovusu açıb. Qanalı forvard 25-ci dəqiqədə İngiltərə təmsilçisinin qapısına yol tapıb.
Matça ehtiyat oyunçular skamyasından başlayan digər sabiq “Qarabağ”lı Kadi Borges isə ikinci hissədə meydana daxil olub.
76-cı dəqiqədə Habib Maiqanın əvəzinə oyuna qoşulan Kadi bununla da yeni klubunda debüt edib.