Vətən müharibəsi şəhidi Rəsul Sadıqovun anası Elnarə Sadıqova vəfat edib.
Bu barədə sosial şəbəkədə məlumat yayılıb.
Onun xərçəng xəstəliyindən əziyyət çəkdiyi bildirilir.
Qeyd edək ki, R.Sadıqov 2001-ci il martın 3-də Bakıda dünyaya gəlib. 44 günlük Vətən müharibəsində könüllü olaraq iştirak edib.
2020-ci ilin 10 oktyabrında Ağdərə, Suqovuşan, Murov yüksəkliyi uğrunda gedən döyüşlərdə qəhrəmancasına şəhid olub. Mehdiabadda Şəhidlər xiyabanında dəfn olunub.
R.Sadıqov ölümündən sonra “Vətən uğrunda” , “Cəsur döyüşçü” və “Suqovuşanın azad olunmasına görə” medalları ilə təltif olunub.