Azərbaycanın 19 yaşadək futbolçulardan ibarət millisi Avropa çempionatının seçmə mərhələsində çıxışını başa vurub.
Daha əvvəl İslandiya (0:2) və İrlandiyaya (0:4) uduzan Elxan Abdullayevin çalışdırdığı komanda son matçda Moldova ilə üz-üzə gəlib.
Kişinyovdakı “Zimbru” stadionunda baş tutan görüş 2:2 hesabı ilə nəticələnib.
Millimizin heyətində Həsən Nəzərli dubl (15, 45+1) müəllifi olub. İlk hissəni 2:0 hesabı ilə başa vursaq da, rəqib fasilədən sonra bərabərliyi təmin edib.
Nikole Sula 55-ci dəqiqədə fərqi azaldıbsa, David Ovidu 90+7-ci dəqiqədə bərabərlik qolunu vurub. Onun fərqləndiyi epizodda qapıçımızın yol verdiyi səhv hamını şok edib.
Belə ki, kiperin müdafiəçimizin ötürməsindən sonra topu əlinə götürməsi hakimin cərimə meydançası daxilində qayda pozuntusu qeydə almasıyla nəticələnib. Belədə rəqib 4-5 metr məsafədən toru silkələyib.
SPORTİNFO.AZ
VİDEONU BU LINKƏ DAXİL OLARAQ İZLƏYİN
.jpg)
