.jpg)
"Qalatasaray"ın sabiq futbolçusu Kristian Luyindama gələcəyi ilə bağlı qərar verib.
Konqolu müdafiəçi peşəkar karyerasını başa vurub.
Luyindama ardıcıl zədələr səbəbindən 30 yaşında karyerasını bitirməli olub.
Afrikalı 2019-2022-ci illərdə "Qalatasaray"da çıxış edib. Konqo millisinin də üzvü olmuş mərkəz müdafiəçisi karyerası ərzində "Sanqo Balende" (Konqo), "Mazembe" (Konqo), "Standard" (Belçika), "Əl-Tavun" (Səudiyyə Ərəbistanı) və "Antalyaspor"da çıxış edib.
Luyindama butsılarını mıxdan asmazdan öncə Azərbaycana gəlmək istəyib. Menecerlər vasitəsilə "Neftçi", "Qəbələ" və "Araz-Naxçıvan" rəsmiləri ilə əlaqə saxlayıb.
Aylıq 10 min dollar qarşılığında Premyer Liqamızda oynamağa hazır olduğunu bildirib. Fəqət, klublardan heç biri ona bu qədər pulu verməyə həvəs göstərməyib.
SPORTİNFO.AZ
