Azərbaycan kubokunun yarımfinal mərhələsinin cavab matçları bəzi məşqçi və futbolçular üçün tamaşa meydanı olacaq.
Bu gün üç futbolçu meydana ayaq basmaqdan, bir məşqçi isə texniki zonada yer almaqdan məhrumdur.
Bunlar “Qarabağ”dan Marko Veşoviç, “Neftçi”dən Bassala Sambu, “Araz-Naxçıvan”dan Vanderson Melodur.
Hər üç oyunçu cəzalı durumda olduqları üçün kənarda qalacaq. “Sabah”ın məşqçisi Aleksey Antonyuk da eyni səbəbdən oyunu tribunadan izləməli olacaq.
Peşəkar Futbol Liqası cəzalıların kimliyi ilə bağlı klublara xəbərdarlıq edib.
Aprelin 23-də saat 17:00-da “Qarabağ” – “Araz-Naxçıvan”, bundan 3 saat sonra “Sabah” – “Neftçi” görüşləri start götürəcək.
HƏBİB / SPORTİNFO.AZ
