Aprelin 2-də Azərbaycan kubokunun yarımfinal mərhələsinin ilk görüşü çərçivəsində “Neftçi” “Sabah”ı qəbul edəcək.
“Neftçi Arena”da baş tutacaq oyunun biletləri iki gün əvvəldən satışa çıxarılacaq.
“Neftçi” rəsmiləri azarkeşlərin marağını nəzərə alaraq qiymətlərdə endirim edib.
“Şərq 1”, “Şərq 2” və “Qərb 1” sektorları üçün bilet əvvəlkindən fərqli 3 yox, 2 manat təşkil edir.
“Cənub üst”, “Şimal 1” və “Şimal 2”nin qiymətləri 3, “Cənub alt” sektoruna biletlər 5 manat dəyərində satılır. Halbuki daha öncə qiymətlər müvafiq olaraq 5 və 10 manat idi.
“VIP Silver”, “VIP Silver 2”, “VIP Family” sektorlarına daxil olmaq 15, “VIP Gold” tribunasına keçid 20 manat təşkil edir.
“Forza” və “Qərb 2” sektorlarına olan biletlərin qiyməti 3 manatdır ki, oyun günü saat 13:00-dan etibarən stadionun kassalarında satışda olacaq.
Bilet almaq üçün iticket.az saytına daxil olmaq mümkündür.
Göründüyü kimi, biletlərin qiymətində endirim edilib. Azarkeşlərin üzərinə düşən öhdəlik stadionun heç olmasa yarısını doldurub “Neftçi”ni qələbəyə səsləməkdir.
Aprelin 2-də “Neftçi Arena”da keçiriləcək oyun saat 19:30-da start götürəcək.
HƏBİB / SPORTİNFO.AZ
