"Avropa Gimnastikasının prezidenti kimi deyə bilərəm ki, dünyada Milli Gimnastika Arenası kimi bir kompleks tanımıram”.
Sportinfo.az xəbər verir ki, bu sözlər gənclər və idman naziri Fərid Qayıbova aiddir.
O, Azərbaycandakı idman obyektləri barədə danışıb:
“Atıcılıq üzrə dünya çempionatı keçirildi. Beynəlxalq federasiyanın prezidenti gəlmişdi.
O dedi ki, dünyada cəmi 6-7 belə kompleks var. Həmçinin Bakı Su İdmanı Sarayı da möhtəşəmdir.
Bu, idmanın inkişafı üçün böyük dəstəkdir. Gəncədə yeni stadion tikilir.
Artıq idman kompleksi istifadəyə verilib. Regionda ən böyük olimpiya komplekslərindən biridir.
Yevlaxda yeni idman kompleksi inşa olunacaq. Düşünürəm ki, təşkiltçılar üçün heç də asan oyunlar deyil.
Çətinliklərimiz var, onları üstələyəcəyik. Təkcə MDB deyil, dəvət olunmuş başqa ölkələr də var.
Ona görə də iştirakçıların sayı çoxdur. Onlar bir neçə məkanda yerləşdiriləcək.
Düşünürəm ki, bu oyunlar regionda idmanın inkişafı üçün təkan olacaq. Növbəti ildə aerobika üzrə Avropa çempionatı keçiriləcək.
Böyük yarışdır. Beynəlxalq yarışları daha çox rayonlarda keçirmək üçün şəraitimiz, otellərimiz var".
