Futbol üzrə idman jurnalistləridən ibarət milli komanda beynəlxalq turnirdə 3-cü olub.
Sportinfo.az xəbər verir ki, Gürcüstanın Batumi şəhərində məşhur futbol şərhçisi Kote Maxaradzenin xatirəsinə həsr edilmiş idman jurnalistləri arasında 6-cı Beynəlxalq Media Kuboku turniri keçirilib.
8 ölkənin iştirak etdiyi yarışda Azərbaycanı İdman Jurnalistlərindən ibarət yığma təmsil edib.
Komandamız Macarıstan, Litva və Moldova yığmalarının yer aldığı A qrupunda iki qələbə qazanaraq yarımfinala vəsiqə əldə edib.
Yarımfinalda meydan sahibi Gürcüstan yığması ilə qarşılaşan komandamız yekunda məğlub olaraq turniri 3-cü pillədə tamamlayıb.
Komandamızın üzvü Məsim Məsimzadə turnirin ən yaxşı hücumçusu seçilib.
Turnirin qalibi isə Moldova komandası olub.
