Sabah Avropa Liqasının Liqa mərhələsinin üçünçü turu çərçivəsində “Qarabağ”la qarşılaşacaq “Ayaks” dünən axşam saatlarında paytaxtımıza təşrif buyurub.
Bu gün günorta isə oyunöncəsi son məşqinə çıxıb.
Niderland nəhənginin “Neftçi Arena”da baş tutan hazırlığı böyük marağa səbəb olub.
Məşqin ilk 15 dəqiqəsini təxminən 20 niderlandlı azarkeş izləyib.
Onlar ölkələrinin sevimli komandasını alqışlamaqla dəstək nümayiş etdirib.
Media mənsubları üçün ilk 15 dəqiqəsi açıq olan hazırlıq prosesində “Ayaks”ın üzvləri kifayət qədər şən görünüblər.
Oktyabrın 24-də Tofiq Bəhramov adına Respublika stadionunda baş tutacaq oyun saat 20:45-də start götürəcək.
HƏBİB / SPORTİNFO.AZ
.jpg)
