"Dinamo"da çıxış edən Azərbaycan millisinin futbolçusu Mahir Emreli bir neçə klubla danışıq aparır.
Sportinfo.az xəbər verir ki, "report"un əldə etdiyi məlumata görə, 27 yaşlı hücumçu hazırda təklifləri nəzərdən keçirir.
Hazırda Zaqreb təmsilçisinin düşərgəsində olan forvard yaxın bir neçə həftə ərzində qərar verəcək. Onun Xorvatiyadan ayrılmaq ehtimalı böyükdür.
2022-ci ildən "Dinamo"da çıxış edən Mahir Emreli komanda ilə iki dəfə Xorvatiya çempionu olub. Onun klubla hazırkı sözləşməsinin müddəti 2026-cı ilin yayında başa çatmalıdır.