UEFA-nın futzal üzrə “B” kursunun 1 ci modulu Moskva şəhərində keçirilib.
Seminarda yalnız Rusiyanın müxtəlif bölgələrindən gələn məşqçilər iştirak etməyib.
Onların arasında həmyerlimiz də yer alıb.
Azərbaycan Yüksək Liqasında mübarizə aparan “Baku Fire“ın çalışdırıcısı Teymur Eyvazov da modula qatılıb.
O, Sportinfo.az-ya açıqlamasında bu barədə məlumat verib:
“Baku Fire“ rəhbərliyi mənim orada iştirakımı dəstəklədi və bunu təmin etdi. Həm seminarın yüksək səviyyədə təşkil olunması, həm də başqa məşqçilərlə bir yerdə futzal haqda fikir mübadilələri apardıq.
Müasir futzalın hansı səviyyədə olması ətrafında dialoq qurduq. Bu, biliklərimizi mükəməlləşdirmək üçün əsl erinə düşdü.
Qarşıda bizi daha 3 əyani dərslər və imtahan gözləyir.
Mənim üçün daha əlamətdar hal isə illər əvvəl ölkəmizdə həm oynamış, həm də yığmamızın məşqçisi işləmiş Andrey Yudinin seminarda iştirak etməsi idi.
Hal-hazırda KPRF-2 nin çalışdırıcısı olan Yudinlə bir çox mövzularda həmsöhbət olduq .
Ümumilikdə, seminara iyunda yekun vurulacaq“.
