![Braziliya 1-ci, Azərbaycan 29-cu - FIFA reytinqində yerimiz](https://www.sportinfo.az/media/2024/06/20/72449063-a0fd-3e6e-86d1-1ac6449f0077_850.jpg)
Azərbaycanın futzal millisi FIFA reytinqində 29-cu pillədə qərarlaşıb.
Sportinfo.az qurumun mətbuat xidmətinə istinadən xəbər verir ki, Vitali Borisovun rəhbərlik etdiyi komandanın 1139.38 xalı var.
Reytinq cədvəlinə 5 qat dünya çempionu Braziliya yığması başçılıq edir.
Mundialın son qalibi Portuqaliya ikinci, İspaniya üçüncüdür. Millinin AÇ-2026-nın qrup mərhələsindəki rəqiblərindən Xorvatiya 16-cı, İsveç 83-cü, Yunanıstan isə 109-cu sırada yer alıb.
FIFA futzal üzrə yığmaların reytinq cədvəlini ilk dəfədir açıqlayır.