.jpg)
Futzal üzrə Azərbaycan millisinin hücumçusu Qabriel Bastos vaxtilə yığmamızı seçməsinin səbəblərindən danışıb.
Sportinfo.az xəbər verir ki, “Diario Popular”a açıqlama verən braziliyalı məsələ haqda bunları deyib:
"Bu, çox çətin seçim idi. Uzun illər Braziliyada yüksək səviyyədə oynasam da, yığmaya düşmək imkanım belə yox idi.
Bunu etmək çətindir, çünki böyük rəqabət və böyük oyunçular var. Heç şansım da yox idi.
Əlbəttə, mən ən yaxşısı deyiləm, amma yaxşı oynamışdım. Braziliyada ən azı bir yoldaşlıq görüşünə dəvət oluna bilərdim.
Hazırda futzalçıların milliləşdirilməsinin ən çox yayıldığı yerlər Rusiya, Azərbaycan, Qazaxıstan, Gürcüstan, Rumıniya və İtaliyadır.
Braziliyalılar demək olar ki, hər yerdə oynayırlar. Dil baryerinə gəlincə, vətəndaşlıq almış braziliyalı hesab edir ki, onun heç bir ciddi çətinliyi yoxdur.
O, Azərbaycanda ikinci ümumi dil olan rus dili ilə yanaşı, ingiliscə danışdığı üçün onların öhdəsindən gəlir".
