PSJ bu yay “Real”ın 24 yaşlı hücumçusu Rodriqo Qoesi ala bilər.
Sportinfo.az xəbər verir ki, bu barədə “X” sosial şəbəkəsində jurnalist Abdellah Bulma məlumat verib.
Braziliyalı futbolçu 2019-cu ilin yayından, “Santos”dan köçdüyü vaxtdan “kral klubu”nda çıxış edir.
O, bu müddət ərzində bütün turnirlərdə 243 matçda iştirak edib, 65 qol vurub və 47 məhsuldar ötürmə verib. Onun klubu ilə hazırkı müqaviləsi 2028-ci ilin yayına kimi nəzərdə tutulub.
