PSJ-nin prezidenti Nasser Əl-Xələfi jurnalistin əvvəllər bu komandada çıxış etmiş “Real”ın hücumçusu Kilian Mbappe ilə bağlı sualına sərt cavab verib.
Sportinfo.az “RMC Sport”-a istinadən xəbər verir ki, klub prezidenti jurnalistə problem axtardığını bildirib:
“Bilirsən, problemlər axtarırsan. Mən ancaq öz oyunçularımdan danışıram. Mənə sual vermək istəyirsizsə, PSJ oyunçuları haqqında soruşun”.
Mbappe Madrid klubuna keçən yay azad agent kimi keçib.
PSJ ötən gün UEFA Çempionlar Liqasının ümumi mərhələsinin 7-ci turunda “Mançester Siti”yə qalib gəlib (4:2).
Yeddi turdan sonra aktivində 10 xal olan parislilər turnir cədvəlinin 23-cü pilləsində qərarlaşıb. “Mançester Siti”nin 8 xalı var və 25-ci yerdədir.
