PSJ-nin yeni transferi Desir Duayi Paris klubu ilə bağlı fikirlərini bölüşüb.
Sportinfo.az klubun rəsmi saytına istinadən xəbər verir ki, fransalı futbolçu PSJ-yə qoşulduğu üçün çox şad olduğunu bildirib:
“PSJ-yə qoşulduğum üçün çox şadam. Mən həqiqətən həyəcanlı, xoşbəxt və qürurluyam.
Bu, gerçəkləşən bir xəyaldır. PSJ forması geyinmək və bu azarkeşlər qarşısında oynamaq üçün səbirsizlənirəm”.
“Renn”in hücumameyilli yarımmüdafiəçisi Fransa çempionu ilə 5 illik müqavilə imzalayıb.
PSJ bu transfer üçün 50 milyon avro ödəyib. 19 yaşlı futbolçu bu yay olimpiya futbol turnirində Fransa millisinin heyətində çıxış edib.
PSJ Liqa 1-in ilk turunda “Havr”a 4:1 hesabı ilə qalib gəlib.
