.jpg)
Almaniyada təşkil olunan Avropa çempionatında İspaniya və Fransa arasında keçirilən yarımfinal görüşü başa çatıb.
Sportinfo.az xəbər verir ki, Münhendəki “Alyans Arena"da reallaşan matçda pireneylilər qələbə qazanıb - 2:1.
Hesabı 9-cu dəqiqədə fransızlardan Kolo Muani açıb. 21-ci dəqiqədə Lamin Yamal "status-kvo"nu bərpa edib. İspanların qələbə qoluna isə 25-ci dəqiqədə Dani Olmo imza atıb.
İspaniya millisinin finaldakı rəqibinin adına bu gün keçiriləcək (23:00) Niderland - İngiltərə matçında aydınlıq gələcək.
İspaniya - Fransa - 2:1
Qollar: Kolo-Muani, 9 (0:1), Yamal, 21 (1:1), Olmo, 24 (2:1)
Baş hakim: Slavko Vinçiç (Sloveniya)
Münhen, "Alyans Arena"
