Almaniyada təşkil olunan Avropa çempionatında bu gün 1/8 final oyunlarına start verilib.
Sportinfo.az xəbər verir ki, Almaniya və Danimarka üz-üzə gələcək.
Meydan sahibləri A qrupunun birincisi, danimarkalılar isə C qrupunun ikincisidir.
Almaniya və Danimarka daha əvvəl böyük turnirlərdə (Avropa və dünya çempionatı) 4 dəfə qarşılaşıblar.
Bu oyunların ikisində Almaniya, digər ikisində isə skandinaviyalılar qalib gəliblər.
Danimarka qitə çempionu olduğu 1992-ci ildəki turnirin finalında məhz Bundestimi məğlub edib - 2:0.
AVRO-2024-də günün ikinci görüşündə İtaliya yığması İsveçrə səddini keçməyə çalışacaq. Bu, komandaların böyük yarışlarda beşinci dueli olacaq.
Hər iki tərəf daha əvvəl iki qalibiyyətə sevinib. İsveçrə 1954-cü ildəki dünya çempionatında iki dəfə rəqibini üstələməyi bacarıb.
1962-ci ildəki mundialda və AVRO-2020-də isə italyanlar qələbə əldə ediblər.
23:00. Almaniya - Danimarka
Baş hakim: Maykl Oliver (İngiltərə).
Dortmund, "Siqnal İduna Park" stadionu.
