![Avropanın yeni "qızıl oğlanlar"ı, buyurun… FOTOLAR](https://www.sportinfo.az/media/2024/07/15/99.png)
İspaniya millisi AÇ-2024-ün finalında İngiltərəyə 2:1 hesabı ilə qalib gələrək çempionluğu bayram edib.
Sportinfo.az xəbər verir ki, bu, yığmanın tarixindəki 4-cü Avropa çempionluğu olub.
İspanlar buna qədər 1964, 2008 və 2012-ci illərdə Avropa çempionatının qalibi olmuşdu.
İngiltərə millisi isə ikinci dəfə Avropa çempionatının finalında məğlub oldu. Beləliklə, ingilislərin kubok həsrəti 58 ilə yüksəldi.
İspaniya millisi AÇ-2024-də keçirdiyi 7 oyunun hamısında qalib gəlib. Yığma bu qarşılaşmalarda ümumilikdə 15 qol vurub ki, bu da Avropa çempionatları tarixində rekord göstəricidir.
Bu rekord göstəriciyə indiyədək 1984-cü ildə Avropa çempionu olan Fransa millisi sahib idi. Həmin ildə finalda məhz İspaniyanı məğlub edən fransızlar 14 qolla yadda qalmışdı.