"Komandamızda kifayət qədər moldovalı futbolçu var".
Sportinfo.az xəbər verir ki, bunu "Şerif"in (Moldova) baş məşqçisi Yuri Qura Avropa Liqasının I təsnifat mərhələsində "Zirə" ilə Bakıda keçiriləcək oyun öncəsi deyib.
Mütəxəssis heyətdə kifayət qədər yerli futbolçu olub-olmaması ilə əlaqədar sualı cavablandırıb:
"Sadəcə, yarışın statusu fərqlidir deyə, Avropa səviyyəli fitbolçulara üstünlük vermək qərarına gəlmişəm".
"Zirə" və "Şerif" arasında cavab matçı iyulun 18-də, saat 20:00-da "Dalğa Arena"da baş tutacaq.
Moldovada gerçəkləşən ilk görüşdə Rəşad Sadıqovun rəhbərlik etdiyi komanda 1:0 hesablı qələbə qazanıb.
