“Çelsi”nin keçmiş kapitanı Con Terri, Kriştiano Ronaldonun karyerasında 1000 qol vurmaq istəyi haqda danışıb. Hazırda 39 yaşlı portuqaliyalı futbolçunun hesabında 910 qol var.
Sportinfo.az xarici KİV-ə istinadən xəbər verir ki, keçmiş futbolçu, Ronaldonun bunu bacaracağını deyib:
“Ronaldo fenomenaldır və inanılmazdır. O, izləməkdən zövq aldığımız futbolçulardandır.
O, qol vurmağı çox sevir. Bu, Ronaldonun karyerasının ilk günlərindən etibarən belədir.
İndi 39 yaşındadır və bu, inanılmazdır. Və inanın, bu, onun sonu deyil.
O, 1000 qol vurmağa yönəlib. O, bunu mütləq bacaracaq. O, bunu edəcək”.
Ronaldo hazırda Səudiyyə Ərəbistanının “Əl-Nəsr” klubunda çıxış edir. Onun klubla müqaviləsi 2024/2025 mövsümünün sonuna qədərdir.
