!["Qarabağ" panamalı hücumçunu transfer siyahısına daxil etdi](https://www.sportinfo.az/media/2024/08/14/querrero1723535497.jpg)
"Qarabağ" heyətinə yeni hücumçu cəlb etməyi planlaşdırır.
Sportinfo.az xəbər verir ki, sportal.az-a verilən məlumata görə, Azərbaycan çempionunun maraq dairəsində olan oyunçulardan biri Eduardo Querrerodur.
Ağdam klubu panamalı oyunçunu bir müddətdir ki, izləyir.
24 yaşlı forvardın "Qarabağ"a keçidinin baş tutub-tutmaması hələ ki, dəqiq deyil. Amma ölkə çempionu onu yaxından izləyir.
Querrero hazırda "Zarya"nın (Luqansk) futbolçusudur. O, 2027-ci il iyunun 30-na qədər Luqansk təmsilçisinə məxsusdur.
Panamalı hücumçu karyerası ərzində "Makkabi"(Tel-Əviv), “Beytar” komandalarında oynayıb və 2023-cü ildə Ukrayna təmsilçisi ilə anlaşıb.