“Barselona”nın vingeri Rafinya bildirib ki, kataloniyalılar bu mövsüm trebl edə bilərlər.
Sportinfo.az xarici KİV-ə istinadən xəbər verir ki, braziliyalı futbolçu bunu artıq dediyini söyləyib:
“Trebl? Mən artıq demişəm: “Barselona”da oynayırsansa, bütün turnirlərdə qalib gəlmək üçün mübarizə aparmalısan”.
“Barselona” İspaniya çempionatının turnir cədvəlinə liderlik edir, ölkə kubokunun finalına çıxıb və Çempionlar Liqasının 1/4 final mərhələsinin ilk oyununda Dortmund “Borussiya”sını 4:0 hesabı ilə məğlub edərək, yarımfinala vəsiqəni demək olar təmin edib.
28 yaşlı futbolçu bu mövsüm bütün klub yarışlarında 45 oyun keçirib, 28 qol vurub və 22 məhsuldar ötürmə edib.
.jpg)
