Səudiyyə Ərəbistanının “Əl-Nəsr” klubunun hücumçusu Kriştiano Ronaldo futbolçu karyerasında 15-ci dəfə bir mövsümdə 20-dən çox liqa qolu vurub.
Sportinfo.az xəbər verir ki, bu barədə “BBC Sport” nəşri məlumat yayıb.
“Əl-Nəsr” dünən Pro Liqanın 26-cı turunda “Əl-Hilal”ı məğlub edib (3:1). Portuqaliyalı forvard iki qola imza atıb.
Ronaldo futbolçu karyerası ərzində klub səviyyəsində 795, Portuqaliya millisində isə 136 qol vurub. 40 yaşlı oyunçu ümumilikdə 931 qola imza atıb.
Ronaldo bu mövsüm “Əl-Nəsr”ın heyətində bütün turnirlərdə 33 oyun keçirib, 28 qol vurub və 4 məhsuldar ötürmə edib. Onun hazırkı klubu ilə müqaviləsinin müddəti bu ilin yayına kimi nəzərdə tutulub.
“Əl-Nəsr” aprelin 12-də Səudiyyə Ərəbistanı çempionatının 27-ci turu çərçivəsində “Ər-Riyad”la qarşılaşacaq.
