Sabiq futbolçu Joleon Leskott qaradərili mütəxəssislərə ikinci şans verilmədiyini düşünür.
Sportinfo.az xarici KİV-ə istinadən xəbər verir ki, “Mançester Siti”nin keçmiş müdafiəçisi və İngiltərənin U-21 millisinin köməkçi məşqçisi qaradərili futbolçuların niyə məşqçilik karyerasını davam etdirmək istəmədiklərini deyib:
“Bir neçə səbəb var. Səbrsizlik təkcə rəhbərlərə və idman direktorlarına deyil, həm də məşqçilərə və oyunçulara təsir edir. Düşünürəm ki, hər kəs dərhal nəticə əldə etmək istəyir.
Bir sıra məşqçilər var ki, onlara uğursuzluğa düçar olmaq, növbəti dəfə oxşar işlə məşğul olmaq və yenidən uğursuzluqla üzləşmək imkanı verilib. Birinin adı Pol İns, digəri Sol Kempbell olan dostlarım haqqında danışırsızsa, onların uğursuzluğa düçar olub yenidən cəhd etmək imkanları yox idi. Bu belə işləyir: uğursuzluq və budur, yolun sonu.
Hər kəs yaxşı işləyirsə və hər kəs uğur qazanırsa, müxtəlifliyi təqdim etmək və hamı üçün bərabər imkanlar təmin etmək asandır. Amma hər şey plana uyğun getməyəndə bir insana yenidən uğursuzluğa düçar olmaq imkanı verməyə hazırıqmı? Bu, mütləq oyunçuları məşqçilikdən uzaqlaşdırır. Ona görə də, bir çox keçmiş futbolçular bu yola getmədilər. Onlara eyni imkanların verilməyəcəyini bilirlər. Onlar bunu başa düşürlər”.
